Tələbələr təcrübə programı çərçivəsində 500 lari alacaqlar

Tələbələr üçün ödənişli təcrübə programı keçmək üçün sənədlərin qəbulu avqustun 2-dən avqustun 8-dək elan olunacaq. 24News.ge xəbər verir ki, bu barədə təhsil və elm naziri Giorgi Amilaxvari bildirib. Onun sözlərinə görə, gənclər təcrübə programı çərçivəsində ödəniş olaraq 500 lari alacaqlar: “Müsabiqədə bu il bakalavr pilləsini bitirmiş bütün bakalavr tələbələri, eləcə də dördüncü kursun bütün tələbələri, magistratura pilləsində təhsil alan bütün magistrantlar və bu il magistratura pilləsini bitirənlər iştirak edə bilərlər. Onların bir neçə agentliyi seçmək imkanı var və portala daxil olarkən onlar artıq konkret istiqamətləri görəcəklər. Tutaq ki, onlar Təhsil Nazirliyinin şərtləri ilə bir neçə şöbədə, publik hüquqi şəxslərdə öz peşələrinə uyğun, maraq və tələblərinə cavab verən müvafiq yerləri qeyd etmək imkanı əldə edəcəklər. Avqustun 8-dən sonra müsahibələrin ikinci mərhələsi başlayacaq və sözügedən seçim proseduru avqust ayında tam başa çatacaq. Sentyabrın 1-dən etibarən 3000-dən çox gənc yerli mentorlarla 4 ay müddətində ödənişli təcrübə proqramına başlayacaq. İmkan daxilində həm qrafikdə, həm də işdən istifadədə hər cür köməklik göstərməyə çalışacaqlar. Əminik ki, bu çox yaxşı təcrübə olacaq və yerləşdikləri agentliklərdə qalaraq əsas işlərinə davam edəcəklər. Ona görə də biz bu fürsətdən istifadə etmək üçün aktivliyə çağırırıq, ərizələr sabahdan başlayacaq”, - deyə Nazir qeyd edib.

www.24news.ge

Tələbələr təcrübə programı çərçivəsində 500 lari alacaqlar

Digər xəbərlər