Rəsmi açıqlama: "Ermənistanla Gürcüstan arasında dəmir yolu Rusiyanın yardımı ilə bərpa olunub"

"Ermənistanla Gürcüstan arasında dəmir yolu Rusiyanın yardımı ilə bərpa edilib". 24News.ge TASS-a istinadən xəbər verir ki, bunu Rusiya Federasiyası Baş nazirinin müavini Aleksey Overçuk deyib. O qeyd edib ki, Ermənistanı xarici dünya ilə birləşdirən yeganə dəmir yolu ölkəyə həyati əhəmiyyətli yüklərin çatdırılması üçün əsas kanaldır və onun uzun müddət ərzində bağlı olması əhalinin ərzaq və yanacaqla təmin olunması üçün ciddi mənfi nəticələrə səbəb ola bilər: “Bu çətin dövrdə Rusiya Ermənistan xalqının köməyinə gəlib və onun Gürcüstanla təbii fəlakət nəticəsində pozulmuş dəmir yolu əlaqəsini rekord müddətdə bərpa edib. Fövqəladə bərpa işlərinin maliyyələşdirilməsi ölkə rəhbərliyinin qərarı ilə Rusiya tərəfindən həyata keçirilib”, - deyə Overçuk vurğulayıb. Onun sözlərinə görə, ilk sınaq qatarı iyunun 14-də bərpa edilmiş relsdə yola düşüb.

www.24news.ge

Rəsmi açıqlama: "Ermənistanla Gürcüstan arasında dəmir yolu Rusiyanın yardımı ilə bərpa olunub"

Digər xəbərlər