Haqqımızda Reklam
28 
May
2024
22:24
58
14
757

Tbilisidə keçirilən mitinqdə elan edilib: İyunun 2-də genişmiqyaslı aksiya keçiriləcək

Paytaxt Tbilisidə "Xarici təsirin şəffaflığı haqqında" qanun layihəsinə etiraz olaraq təşkil olunan aksiya, bu gün də davam edib. 24News.ge xəbər verir ki, parlament binasının qarşısına toplaşmış nümayişçilər hakim "Gürcü Arzusu" partiyasının bu gün parlamentdə qəbul etdiyi "Xarici təsirin şəffaflığı haqqında" qanun layihəsinə etiraz ediblər. Aksiya iştirakçıları parlamentin qarşısındakı Rustaveli prospektini avtomobillərin hərəkəti üçün bloklayıblar. Nümayişçilər “Avropaya bəli!”, "Rusiya qanunu yox”, "Qullar", "Yaşasın Gürcüstan" kimi şüarlar səsləndiriblər. Qeyd edək ki, çox sayda hüquq-mühafizə orqanlarının əməkdaşları parlamentin ətrafına səfərbər olunub. Etirazçılar aksiyanın sonunda bildiriblər ki, iyunun 2-də saat 20:00-da “Xarici təsirin şəffaflığı haqqında” qanuna qarşı növbəti genişmiqyaslı mitinq keçiriləcək. Qeyd edək ki, bu gün Parlament “Xarici təsirin şəffaflığı haqqında” qanun layihəsinə prezidentin veto qoymasını dəf edib. “Gürcü arzusu” fraksiyasının təqdim etdiyi və Salome Zurabişvilinin veto qoyduğu layihə 84 səslə qəbul edilib.

www.24news.ge

(Şahidi olduğunuz hadisələri çəkib bizə göndərin!) 571798989