Haqqımızda Reklam
16 
May
2024
16:59
41
10
9530

Məktəblərdə bir sıra dəyişikliklər gözlənilir...

Ümumtəhsil pillələrində dəyişiklik edilir, bunun nəticəsində icbari əsas təhsil 9-cu sinif əvəzinə, 10-cu sinif üzrə müəyyən ediləcək və şagirdlər 10-cu sinif də daxil olmaqla icbari təhsillə təmin olunacaqlar. 24News.ge xəbər verir ki, bununla bağlı Təhsil və Elm Nazirliyi layihə hazırlayıb və yaxın vaxtlarda parlamentə təqdim ediləcəyi gözlənilir. Gürcüstanda ümumi təhsilin üç səviyyəsinin aşağıdakı kimi müəyyən edildiyi nəzərə alınmaqla parlamentdə “Ümumi təhsil haqqında” qanuna dəyişiklik təşəbbüsü irəli sürülüb. Belə ki, ibtidai (6 illik - I-VI siniflər), əsas hissə (4 illik VII-X siniflər) və orta (2 il - XI -XII siniflər) nəzərdə tutulub. Sözügedən dəyişikliyə uyğun olaraq, baza səviyyəsi 1 il artırılaraq 4 ilə, üçillik orta təhsil isə 2 ilə endirilir ki, tam ümumi təhsil 12 il olur. Nazirliyin məlumatına görə, 9-cu sinfi bitirdikdən sonra məktəbi tərk edən şagirdlərin sayı kifayət qədər çoxdur. Təkcə 2023-cü ildə 3200 şagird məktəbi tərk edib, onların əmək bazarında məşğulluq perspektivləri isə bilik və yaşa görə çox aşağıdır. Qeyd edək ki, qanun layihəsi qəbul olunarsa, baza səviyyəsinin fənn standartlarının məzmun hissəsi də, (məsələn, biologiya, coğrafiya, tarix, vətəndaş təhsili və s.) 4 sinfə və icbari siniflərə paylanacaq.

www.24news.ge

(Şahidi olduğunuz hadisələri çəkib bizə göndərin!) 571798989