Dolların bahalaşması fonunda investorlar riski görüb səhmləri satmağa başladılar

"Xarici təsirin şəffaflığı haqqında" qanun layihəsinin qəbul olunmasından sonra gürcü şirkətlərinin London birjasında yer alan səhmlərinin qiyməti aşağı düşür. 24News.ge xəbər verir ki, bu barədə “Cəmiyyət və Banklar” təşkilatının təsisçisi Giorgi Kepuladze məlumat verib. O, bildirib ki, London birjasında Gürcüstan şirkətlərinin (“Bank of Georgia” (BGEO), TBC PLC, “Capital of Georgia” (CGEO)) səhmlərinin qiyməti səhər saatlarından etibarən ucuzlaşır. Kepuladzenin sözlərinə görə, gürcü şirkətlərinin səhmlərinin qiyməti Gürcüstandakı vəziyyətdən, risklərlə bağlı bazardakı vəziyyətdən və investorların gözləntilərindən asılıdır. Ekspert deyib ki, "Xarici təsirin şəffaflığı haqqında" qanun layihəsinin nəticəsi artıq Gürcüstanda özünü göstərib və nəticədə son 3 həftədə London birjasında qeydiyyata alınan gürcü şirkətlərinin qiyməti aşağı düşüb. Onun sözlərinə görə, investorlar ölkədə baş verən hadisələr fonunda riskləri görüb London birjasında səhmləri satmağa başlayıblar ki, bu da qiymətin ucuzlaşmasına səbəb olub: “London Fond Birjasında investorlar risk gördülər, səhmləri satmağa başladılar və müvafiq olaraq qiymət də aşağı düşdü. Həmçinin, ümumilikdə ölkədə qeyri-sabit vəziyyət yarananda, daha doğrusu, Gürcüstanın Avropa yolundan yayına biləcəyi ilə bağlı avropalı və ya amerikalı siyasətçilərdən kəskin bəyanatlar eşidiləndə risk göstəricisi də artır. Artıq bu, təkcə qanunla bağlı deyil. Söhbət ondan gedir ki, ölkənin reputasiyası əhəmiyyətli dərəcədə zədələnib və onu düzəltmək üçün vaxt və kifayət qədər böyük resurs lazımdır”, - deyə Kepuladze əlavə edib. Xatırladaq ki, beynəlxalq tərəfdaşların çağırışlarına və vətəndaşların etirazlarına baxmayaraq, “Gürcü arzusu” ötən gün, mayın 14-də “Xarici təsirin şəffaflığı haqqında” qanunu üçüncü oxunuşda təsdiqləyib. İndi növbə hakim partiyanın qəbul etdiyi qanuna veto qoymağa hazırlaşan Gürcüstan prezidentindədir. Gürcüstanın qərb tərəfdaşları tərəfindən bir sıra çağırışlar və bəyanatlar səsləndirilib ki, qanun indiki formada qalarsa və hökumət vetodan keçərsə, qanunu qəbul edən deputatlara və Bidzina İvanişviliyə qarşı sanksiyalar tətbiq oluna bilər.

www.24news.ge

Dolların bahalaşması fonunda investorlar riski görüb səhmləri satmağa başladılar

Digər xəbərlər