Haqqımızda Reklam
19 
Apr
2024
21:59
55
20
996

Tbilisi yenə ayaqda, bu dəfə tələbələr yolları bağladılar (FOTO)

Müxtəlif universitetlərdə təhsil alan tələbələr Parlament, Ədliyyə Evi və hakim "Gürcü arzusu" partiyasının mərkəzi ofisi önündə “Xarici təsirin şəffaflığı haqqında” qanun layihəsinə qarşı etiraz aksiyası keçiriblər. 24News.ge xəbər verir ki, ilk öncə Parlament qarşısına toplaşan mitinq iştirakçıları Rustaveli prospektində yolu bağlayıblar. Aksiya iştirakçıları “Xarici təsirin şəffaflığı haqqında” qanun layihəsinə etiraz edərək, “Rusiya rejiminə yox”, “Yaşasın Avropa Birliyi”, “Yaşasın Gürcüstan” kimi şüarlar səsləndiriblər. Onlar bildiriblər ki, hakim partiya sözügedən qanun layihəsini geri götürənə qədər etirazlarını dayandırmayacaqlar. Tələbələr Parlament binasının önündən Ədliyyə Evinə doğru yürüş ediblər. Onların sözlərinə görə, Ədliyyə Evində keçirilən etiraz aksiyası simvolik xarakter daşıyır, çünki “Xarici təsirin şəffaflığı haqqında” qanun layihəsi qəbul olunarsa, Ədliyyə Evi“ xarici təsir agentlərinin müəyyən edilməsinə nəzarət edəcək” orqan olacaq. Mitinq iştirakçıları sonra “Gürcü arzusu” partiyasının binasına doğru yürüş ediblər.

www.24news.ge

(Şahidi olduğunuz hadisələri çəkib bizə göndərin!) 571798989