ფაშინიანი- დარწმუნებული ვარ, რომ კობახიძე ხელს შეუწყობს სომხეთსა და საქართველოს შორის ურთიერთობების გაღრმავებას

„საქართველოს პრემიერ-მინისტრთან, ირაკლი კობახიძესთან შეხვედრაზე განიხილეს ორ ქვეყანას შორის თანამშრომლობის საკითხები. 24News.ge-ს ცნობით, ამის შესახებ სომხეთის რესპუბლიკის პრემიერ-მინისტრმა ნიკოლ ფაშინიანმა ქართველ კოლეგასთან შეხვედრის შემდეგ განცხადებაში განაცხადა. მისი თქმით, საქართველოსთვის გასული წლის ბოლოს მინიჭებული ევროკავშირის კანდიდატის სტატუსი ძალიან მნიშვნელოვანია და გავლენას ახდენს არა მხოლოდ რეგიონზე, არამედ ორ ქვეყანას შორის ორმხრივ ურთიერთობებზეც. „მინდა პირადად მივულოცო ირაკლი კობახიძეს პრემიერ-მინისტრად დანიშვნა. დარწმუნებული ვარ, ირაკლი კობახიძე თავისი სერიოზული დამოკიდებულებით ხელს შეუწყობს სომხეთსა და საქართველოს შორის ურთიერთობების გაღრმავებას. როდესაც 6 იანვრის შემდეგ გაიმართა მთავრობათაშორისი კომიტეტის XIII სხდომა, ამ სესიაზე ხელი მოვაწერეთ დეკლარაციას ჩვენი ორმხრივი ურთიერთობების განვითარების ასეთი ამბიციური გეგმების განხორციელების შესახებ. ახლა მაქვს შესაძლებლობა ჩემს ახალ კოლეგასთან ერთად განვიხილო ამ დეკლარაციის პრაქტიკული განხორციელება და მისი განხორციელებისთვის აუცილებელი ზომები. ძალიან მნიშვნელოვანია ორივე ქვეყნის სუვერენიტეტისა და ტერიტორიული მთლიანობის აღიარება. ასევე ვისაუბრეთ ჩვენს ქვეყნებს შორის უფრო აქტიურ თანამშრომლობაზე. ამას არა მხოლოდ სტრატეგიული მნიშვნელობა აქვს, არამედ ჩვენი ორმხრივი ურთიერთობები არის თანამშრომლობა, რომელიც ეფუძნება მდგრადობასა და ურთიერთგაგებას. გასულ წელს საქართველომ მიიღო ევროკავშირის წევრობის კანდიდატის სტატუსი და მივესალმები ამ ფაქტს. ეს ძალიან მნიშვნელოვანია, რადგან ეს გავლენას ახდენს არა მხოლოდ ჩვენს რეგიონზე, არამედ ჩვენს ორმხრივ ურთიერთობებზეც. სომხეთის რესპუბლიკა ყოველთვის მხარს უჭერდა საქართველოს ევროპას ინტეგრაციას“, - განაცხადა ნიკოლ ფაშინიანმა.

www.24news.ge

სხვა სიახლეები