BGMİ nümayəndə heyəti İrana səfərləri çərçivəsində bir sıra görüşlər keçiriblər (FOTO)

Bütün Gürcüstan Müsəlmanları İdarəsinin dini liderləri və nümayəndə heyəti İran İslam Respublikasına səfərləri çərçivəsində bir sıra görüşlər keçiriblər. Bu barədə 24News.ge xəbər portalına idarənin mətbuat xidmətindən məlumat verilib. Bildirilir ki, İdarənin şeyxi, müftiləri və nümayəndə heyəti İran İslam Respublikasına edilən səfər çərçivəsində ilk öncə Tehranda “İslam Mədəniyyəti və Əlaqələri Təşkilatı”nın rəhbəri Höccətül-islam vəl-müslimin İmani Furi ilə görüşüblər. Tərəflər dostluq şəraitində keçən görüşdə mədəni və dini məsələlər ətrafında fikir mübadiləsi aparıblar. Çıxış zamanı dini liderlər səmimi qəbula və səmərəli əməkdaşlığa görə ev sahibinə təşəkkür ediblər. Dini liderlər Gürcüstan Müsəlmanları İdarəsinin fəaliyyəti, gələcək planları, dövlətlə müsəlman icması, eləcə də digər dini konfessiyalarla əlaqələrdən danışıblar. Ev sahibi də qonaqları salamlayaraq İran İslam Respublikasına edilən səfərə görə Gürcüstan heyətinə təşəkkür edib, mövcud dostluğun və əlaqələrin dərinləşdirilməsinin zəruriliyindən danışıb. 28 fevral tarixində isə qonaqlar, "Əl-Mustafa” Beynəlxalq Universitetinin rəhbəri doktor Əli Abbasi ilə görüşüblər. Qum şəhərində baş tutan görüşdə Gürcüstan Müsəlmanları İdarəsinin dini rəhbərləri dəvətə və səmimi qəbula görə “Əl-Mustafa” Beynəlxalq Universitetinin rəhbərinə təşəkkür edib, Gürcüstan Müsəlmanları İdarəsi ilə “Əl-Mustafa” Universiteti arasında səmərəli əməkdaşlıq və dostluq münasibətlərindən danışıblar. Ev sahibi dəvəti qəbul edib İrana səfər etdikləri üçün Gürcüstan Müsəlmanları İdarəsinin dini rəhbərlərinə və nümayəndə heyətinə təşəkkür edib. O, qeyd edib ki, Gürcüstan Müsəlmanları İdarəsinin uğurlu fəaliyyətindən çox məmnundur və hər iki dini qurum arasında əlaqələrin dərinləşdirilməsini və təcrübə mübadiləsini vacib hesab edir. Görüşün sonunda tərəflər münasibətlərin gələcəkdə daha da yaxşılaşdırılması yönündəki düşüncələrini ifadə ediblər. Daha sonra xatirə şəkilləri çəkilib, simvolik hədiyyələr təqdim olunub. Qeyd edək ki, Bütün Gürcüstan Müsəlmanları İdarəsinin dini rəhbərləri və nümayəndə heyətinin üzvləri “Əl-Mustafa” Beynəlxalq Universitetinin dəvəti ilə İran İslam Respublikasında səfərdədirlər.

www.24news.ge

BGMİ nümayəndə heyəti İrana səfərləri çərçivəsində bir sıra görüşlər keçiriblər (FOTO)

Digər xəbərlər