Marneulidə baş verən silahlı insidentin yeni təfərrüatları məlum olub (FOTO)

Bu gün, günorta saatlarında Marneuli şəhərinin 26 May küçəsində baş verən silahlı insidentin yeni təfərrüatları məlum olub. 24News.ge xəbər verir ki, hadisənin üç il bundan öncə Marneuli şəhərinin Rustaveli küçəsində baş verən silahlı insidentin qisası olduğu iddia olunur. Məlumata əsasən, gənc oğlanın avtomobilinə atəş açan şəxs və ya şəxslər daha sonra hadisə yerini tərk ediblər, yaralı gənc isə öz avtomobili ilə Aversi klinikasına gedib. Klinikadan verilən məlumata görə, 29 yaşlı şəxsin səhhəti təhlükəli deyil və onun vəziyyəti qənaətbəxşdir. Daxili İşlər Nazirliyindən xəbər portalımıza verilən məlumata görə, faktla bağlı qəsdən sağlamlığa yüngül zərər vurma (120) və qanunsuz olaraq odlu silah əldə etmə, saxlama və daşıma (136) maddələri ilə istintaq başladılıb.

www.24news.ge

Marneulidə baş verən silahlı insidentin yeni təfərrüatları məlum olub (FOTO)

Digər xəbərlər