Bolnisidə Xocalı soyqırımının 32-ci ildönümü ilə əlaqədar anım tədbiri keçirilib (FOTO)

Bolnisi şəhərində fəaliyyət göstərən Qafqaz Hüquq və İnteqrasiya Mərkəzində Xocalı soyqırımının 32-ci ildönümü ilə əlaqədar anım tədbiri keçirilib. 24News.ge xəbər verir ki, əvvəlcə Xocalı soyqırımı qurbanlarının və Azərbaycanın ərazi bütövlüyü uğrunda canlarından keçən şəhidlərin xatirəsi bir dəqiqəlik sükutla yad edilib. Mərkəzin direktoru Rezo Həsənov Xocalı soyqırımı barədə ətraflı məlumat verib. O bildirib ki, əliyalın, dinc Xocalı sakinləri 32 il əvvəl erməni vandaliziminin və vəhşiliyinin qurbanı olublar. R.Həsənov söyləyib ki, 2020-ci ildə 44 günlük Vətən müharibəsində Xocalı qurbanlarının qisası döyüş meydanında alınıb, Azərbaycan məxsus olan torpaqlar işğaldan azad edilib. Tədbirdə vurğulanıb ki, Xocalı soyqırımı bəşəriyyət tarixinin ən amansız qətliamlarından biridir. Qeyd olunub ki, bunu unutmamaq və unutdurmamaq bütün dünya azərbaycanlılarının mənəvi borcudur. Sonda Xocalı soyqırımına aid şeirlər səsləndirilib, “İşgəncələr məbədi-Şuşa həbsxanası” adlı sənədli film nümayiş etdirilib.

www.24news.ge

Bolnisidə Xocalı soyqırımının 32-ci ildönümü ilə əlaqədar anım tədbiri keçirilib (FOTO)

Digər xəbərlər