Qardabani şəhərindəki Marağa məscidində Xocalı soyqırımı qurbanlarının anım mərasimi keçirilib (FOTO)

Qardabani şəhərindəki Marağa məscidində yerli ruhanilərin və inanclı şəxslərin təşkilatçılığı, Qafqaz Müsəlmanları İdarəsinin Gürcüstan nümayəndəliyinin dəstəyi ilə Xocalı soyqırımı qurbanlarının anım tədbiri keçirilib. 24News.ge xəbər verir ki, mərasimdə din xadimləri müqəddəs Qurani Kərimdən ayələr zikr edərək, Xocalı şəhidlərinin ruhuna hədiyyə ediblər. Daha sonra çıxış edənlər Xocalı faciəsi barədə ətraflı məlumat verib, islam dinində zülmün qınandığı, eləcədə zalimlərin dünya və axirətdə hesab-kitaba çəkiləcəyi qeyd olunub. Çıxışlar zamanı Xocalı faciəsinin 21-ci əsrdə baş verməsini tarixin ən qəddar, faciəvi və vicdan sızıldadan hadisələrdən biri olduğu bildirilib və məclisdə iştirak edənlərə bu faciəni unutmamaq və unutdurmamaq çağırışı edilib. Bildirilib ki, 44 günlük Vətən müharibəsində Xocalı qurbanlarının qisası döyüş meydanında alınıb və arzu edilib ki, Gürcüstan da, işğal altında olan torpaqlarının azadlığına qovuşsun. Qeyd edək ki, məclisin sonunda Xocalı şəhidlərinin adı ilə ehsan süfrəsi təşkil edilib.

www.24news.ge

Qardabani şəhərindəki Marağa məscidində Xocalı soyqırımı qurbanlarının anım mərasimi keçirilib (FOTO)

Digər xəbərlər