Paytaxt və regionlarda xüsusi əməliyyat keçirilib - Çox sayda saxlanılan var (VİDEO)

Əməliyyat-axtarış tədbirləri nəticəsində Tbilisi şəhərində və regionlarda qanunsuz olaraq odlu silah-sursat götürülüb və 20 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Məlumatda bildirilir ki, əməliyyat - axtarış tədbirləri Tbilisi, Msxeta, Şida Kartli, Sameqrelo-Zemo Svaneti, Kaxeti, Quriya, İmereti Raça-Leçxumi və Kvemo Svaneti bölgələrində keçirilib. Hüquq mühafizə orqanı əməkdaşları təqsirləndirilən şəxslərin yaşayış evlərinə və avtomobillərinə baxış zamanı maddi sübut kimi odlu silah, tapança, revolverlər, avtomat, ov tüfəngi, əl qumbarası, ağızlıq və müxtəlif növ silahlar üçün patronlar müsadirə ediblər. Faktla bağlı Cinayət Məcəlləsinin 236-cı maddəsinin 3-cü və 4-cü bəndləri əsasında istintaq başladılıb. Təqsirləndirilən şəxsləri əməllərinə görə, 3 ildən 7 ilədək azadlıqdan məhrumetmə cəzası gözləyir.

www.24news.ge

Paytaxt və regionlarda xüsusi əməliyyat keçirilib - Çox sayda saxlanılan var (VİDEO)

Digər xəbərlər