Haqqımızda Reklam
09 
Dek
2023
17:37
58
26
1898

Bir sıra ölkələrin ali din xadimləri Gürcüstan Müsəlmanları İdarəsinin yeni şeyxini təbrik ediblər

Gürcüstan Müsəlmanları İdarəsinin (GMİ) yeni seçilmiş şeyxi Hacı Faiq Nəbiyevə təbrik məktubları gəlməkdə davam edir. 24News.ge xəbər verir ki, Azərbaycan, Türkiyə, İraq, İran və digər bir sıra müsəlman ölkələrinin ali din xadimləri yeni seçilmiş şeyxi təbrik ediblər. Təbrik edənlər arasında Qafqaz Müsəlmanları İdarəsinin sədri, Şeyxülislam Hacı Allahşükür Paşazadə, Beynəxalq Əl-Mustafa Universitetinin müdiri Əli Abbas, Böyük mərcə təqlid Ayətullah Əl Üzma Seyid Sistaninin tam səlahiyyətli nümayəndəsi Ayətullah Cavad Şəhristani, Türkiyə Cəfərilərinin Lideri Şeyx Səlahəddin Özgündüz, Azərbaycanın tanınmış ilahiyyatçısı Ramil Bədəlov, Ümumdünya Əhli-Beyt (ə) Assambleyasının Beynəlxalq məsələlər üzrə muavini Əli Rza və digər bir sıra din xadimləri də yer almaqdadır. Din xadimləri öz təbrik məktublarında Gürcüstan Müsəlmanları İdarəsinin Şeyxi Hacı Faiq Nəbiyevi təbrik edərək, ona gələcək fəaliyyətlərində müvəffəqiyyət arzu ediblər. Məlumat üçün bildirək ki, 1 dekabr tarixində GMİ-nin Ali Dini Şurasının səs çoxluğu ilə, uzun illər Gürcüstanda bir sıra dini və ictimai xidmətləri olan Hacı Faiq Nəbiyev Bütün Gürcüstan Müsəlmanları İdarəsinə (BGMİ) 5 il müddətliyinə şeyx seçilib.

www.24news.ge

(Şahidi olduğunuz hadisələri çəkib bizə göndərin!) 571798989