"Milli Hərəkat"ın üzvü Qiorqi Mumladze Levan Xabeişvilini vəzifəsindən getməyə çağırıb

"Vahid Milli Hərəkat"ın üzvlərindən biri Qiorqi Mumladze partiyanın sədri Levan Xabeişvilini məsuliyyəti öz üzərinə götürməyə və vəzifəsindən getməyə çağırır. 24News.ge xəbər verir ki, Mumladze Xabeişvilini məsuliyyətsiz bəyanatlarda ittiham edib. Onun sözlərinə görə, Xabeişvilinin ritorikası partiyanı deyil, müəyyən dar qrupun güclənməsinə kömək edir. O, Nika Meliyanın partiyadan xaric edilməsi ilə bağlı məsələyə də toxunaraq bildirib ki, o, heç kimin xaric edilməsi ilə razı deyil: “Vahid Milli Hərəkat”da dəyişikliklərin zəruriliyindən danışmağa ilk başlayanlardan biri oldum. Bu dəyişikliklər Mixeil Saakaşvilinin azadlıq mübarizəsi hissəsində daha çox aktivlik və partiyanın reytinqinin yüksəldilməsi baxımından müsbət nəticələr gətirməlidir. Ancaq təəssüf ki, bu baş vermədi. Təəssüf ki, partiyanın hazırkı sədri Levan Xabeişvilinin ritorikası və hərəkətləri partiyanın möhkəmlənməsinə, yoldaşlarımız arasında birlik hissinə xidmət etmir. O, nə qədər məsuliyyət daşıdığını başa düşməlidir. Ona görə də hesab edirəm ki, bu bu vəziyyətin həlli onun öz məsuliyyətini üzərinə götürməsi, öz vəzifəsini tərk etməsidir”, - deyə Mumladze bildirib. Xatırladaq ki, "VMH" sədri Levan Xabeişvili Formula telekanalının efirində "Nika Melia "Milli Hərəkatı" təmsil etmir, o, artıq "Milli Hərəkat"ın üzvü deyil" deyə qeyd edib.

www.24news.ge

"Milli Hərəkat"ın üzvü Qiorqi Mumladze Levan Xabeişvilini vəzifəsindən getməyə çağırıb

Digər xəbərlər