Hökumət icazəsiz inşaa edilən fərdi tikililərə amnistiya qərarı qəbul edir

Baş nazir ədliyyə nazirinə fiziki şəxslərə məxsus torpaq sahələrində tikinti sənədləri olmadan tikilən fərdi yaşayış evlərinə aid olan tikinti amnistiyası layihəsi üzərində işləməyi tapşırıb. 24news.ge xəbər verir ki, Gürcüstanın baş naziri İrakli Qaribaşvilinin rəhbərliyi ilə hökumət iclası keçirilib. Hökumət administrasiyasının məlumatına görə, Nazirlər Kabinetinin üzvləri gündəliyə daxil olan 9 məsələni müzakirə ediblər. Məlumata görə, Hökumət başçısı iclasda ədliyyə nazirinə fiziki şəxslərin mülkiyyətində olan torpaq sahəsində qanunsuz tikilən fərdi yaşayış evlərinə aid olan tikinti amnistiyası layihəsi üzərində işləməyi tapşırıb. Dəyişiklik müzakirə edilərkən vurğulanıb ki, bu qərarla bir tərəfdən gələcəkdə qanunsuz ev tikmək praktikası aradan qaldırılacaq, digər tərəfdən kənd yerlərində və ya şəhərlərdə fərdi yaşayış evi olan vətəndaşlara tikinti üçün lazımi sənədlər verilməmişsə, leqallaşdırmanın mürəkkəb prosedurundan keçmək məcburiyyətində qalmayacaq. Qeyd olunub ki, müvafiq amnistiya qərarı bir milyona qədər vətəndaşı əhatə edəcək.

www.24news.ge

Hökumət icazəsiz inşaa edilən fərdi tikililərə amnistiya qərarı qəbul edir

Digər xəbərlər