Nazirdən açıqlama: "Saakaşvilinin səhhəti yaxşılaşdığından həbsxanaya qaytarılacaq"

"Mixeil Saakaşvilinin səhhəti yaxşılaşdığından o, həbsxanaya qaytarılacaq". 24News.ge xəbər verir ki, bunu ədliyyə naziri Rati Breqadze “İmedi” telekanalına müsahibəsində deyib. O, qeyd edib ki, Saakaşvilinin xəstəxanadan həbsxanaya köçürülməsi qərarı siyasi ola bilməz, bu, həkimlərin tövsiyələrinə əsaslanacaq. Breqadzenin sözlərinə görə, Gürcüstanda məhbuslar səhhətlərini yaxşılaşdırmaq üçün lazım olan müddətdə xəstəxanada qala bilərlər: “Həkim tövsiyəsi olan kimi onu (Saakaşvilini həbsxanaya) köçürəcəyik, çünki bu məsələ ilə bağlı başqa qərar qəbul etmirik, hər hansı siyasi qərar qəbul etmək istisnadır”, - deyə nazir bildirib. Rati Breqadzenin sözlərinə görə, Saakaşvilinin səhhəti artıq yaxşılaşıb. Noyabrın 15-də Breqadze bildirib ki, Ədliyyə Nazirliyi ölkənin keçmiş prezidentinin 2022-ci ilin mayından həbsxanaya qaytarılması məsələsinə baxılması üçün həkimlərin rəyini gözləyir.

www.24news.ge

Nazirdən açıqlama: "Saakaşvilinin səhhəti yaxşılaşdığından həbsxanaya qaytarılacaq"

Digər xəbərlər