Gürcüstandan keçən “Transxəzər Beynəlxalq Nəqliyyat Dəhlizi” vasitəsilə yük dövriyyəsi artıb

Gürcüstandan keçən “Transxəzər Beynəlxalq Nəqliyyat Dəhlizi” ilə yük daşımaları 9 dəfə artıb. 24News.ge xəbər verir ki, bu barədə “Transxəzər Beynəlxalq Nəqliyyat Marşrutu” Beynəlxalq Assosiasiyasının baş katibi Heydər Abdikarimov məlumat verib. Onun sözlərinə görə, 2023-cü ilin yanvar-sentyabr aylarında ötən ilin müvafiq göstəriciləri ilə müqayisədə “Orta Dəhliz”də yük dövriyyəsi 89% artaraq 1 milyon 900 min ton yük təşkil edib. Transxəzər Beynəlxalq Nəqliyyat Dəhlizi ilə bağlı ilk sənəd Azərbaycan, Gürcüstan və Qazaxıstan nümayəndələri arasında 10 il əvvəl - 2013-cü il sentyabrın 7-də imzalanıb. Bu marşrut hazırda aktiv olaraq işləyir. Xatırladırıq ki, Rusiyaya qarşı beynəlxalq sanksiyaların tətbiqi fonunda Qazaxıstan hakimiyyəti ixrac və tranzit yüklərinin daşınması üçün alternativ yollardan istifadə etməyə başlayıb. Bu istiqamətdə əsas marşrut məzh “Orta Dəhliz” hesab edilir. Məlumat üçün bildirək ki, Transxəzər Beynəlxalq Nəqliyyat Marşrutu (TİTR) və ya “Orta Dəhliz” Çini, Qazaxıstanı, Xəzər dənizini, Azərbaycanı, Gürcüstanı, daha sonra isə Türkiyə və Avropa İttifaqı ölkələrini birləşdirən beynəlxalq nəqliyyat marşrutudur. Onun komponentlərinə layihədə iştirak edən ölkələrin dəniz limanları və dəmir yolları daxildir.

www.24news.ge

Gürcüstandan keçən “Transxəzər Beynəlxalq Nəqliyyat Dəhlizi” vasitəsilə yük dövriyyəsi artıb

Digər xəbərlər