Azərbaycanla yanaşı Qazaxıstan və Türkmənistan da Gürcüstan üzərindən neft nəql edir - STATİSTİKA

2023-cü ilin yanvar-sentyabr aylarında Bakı-Tbilisi-Ceyhan (BTC) boru kəməri vasitəsilə 22 milyon 665 min ton neft nəql edilib. 24News.ge xəbər verir ki, bu barədə Azərbaycan Statistika İdarəsi məlumat yayıb. Gürcüstandan keçən Bakı-Tbilisi-Ceyhan (BTC) boru kəməri vasitəsilə Azərbaycanla yanaşı Qazaxıstan və Türkmənistan da neft nəqlini həyata keçirilir. Cari ilin ilk 9 ayına olan statistikaya görə, Bakı-Tbilisi-Ceyhan vasitəsilə nəql olunmuş neftin 83,1%-i (18 milyon 844,8 min ton) Azərbaycan neftinin payına düşüb. Qeyd edilən dövrdə Bakı-Tbilisi-Ceyhan vasitəsilə Qazaxıstan və Türkmənistan neftinin payı ümumi həcmin 16,9%-ni (3 milyon 820,3 min ton) təşkil edib. Məlumata əsasən, 2023-cü ilin yanvar-sentyabr ayları ərzində Bakı-Tbilisi-Ceyhan vasitəsilə nəql edilmiş neftin həcmi ötən ilin müvafiq dövrü ilə müqayisədə 4,5% artıb.

www.24news.ge

Azərbaycanla yanaşı Qazaxıstan və Türkmənistan da Gürcüstan üzərindən neft nəql edir - STATİSTİKA

Digər xəbərlər