Qaribaşvili: "Gürcüstan Ukraynaya çevrilməyəcək"

"Bir çox insanlar ölkədə “ukraynalaşma”, “əfqanlaşma”, Suriya ssenarisinin təkrarlanmasını istəyir, lakin hakimiyyət buna imkan verməyəcək". 24News.ge xəbər verir ki, bu sözləri Baş nazir İrakli Qaribaşvili deyib. O bildirib ki, bunu istəyənlərə lazımi cavablar veriləcək: “Ölkəmizin milli maraqlarına bir dəfə deyil, məqsədyönlü və düşünülmüş şəkildə xəyanət edən, bu gün də xəyanət edən insanların tənqidini qəbul edə bilmirəm. Deyəndə ki, ikinci cəbhə açılmalıdır, keçmiş nazir cənab Vano Merabişvili açıq şəkildə deyirdi ki, hakimiyyətə qayıtsalar, ikinci cəbhə açacaqlar. Kimsə təsəvvür edə bilərmi ki, ölkədə ikinci cəbhənin açılması nə deməkdir və xalqımıza hansı nəticələr verəcək və gətirəcəkdi? "Bir çox insanlar ölkədə “ukraynalaşma”, “əfqanlaşma”, Suriya ssenarisinin təkrarlanmasını istəyir, lakin hakimiyyət buna imkan verməyəcək", - deyə Qaribaşvili vurğulayıb. Qeyd edək ki, Gürcüstan müxalifətinin təmsilçilərindən, deputat Qubaz Sanikidze ölkədə Rusiyaya qarşı ikinci cəbhənin açılması çağırışı etmişdi

www.24news.ge

Qaribaşvili: "Gürcüstan Ukraynaya çevrilməyəcək"

Digər xəbərlər