Zurabişvili hökumətə səslənib: "Ən böyük bəla mənim Avropaya səfərim deyil, baş prokurorun "FSB" agenti olmasıdır"

Ölkə prezidenti Salome Zurabişvili ABŞ-ın sanksiyaya məruz qoyduğu Gürcüstanın keçmiş baş prokuroru Otar Partsxaladze ilə bağlı təhqiqata başlanılmasını tələb edib. 24News.ge xəbər verir ki, prezident bu barədə qeyri-hökumət təşkilatlarının nümayəndələri ilə görüşdə çıxışı zamanı bildirib. Prezident keçmiş baş prokurorunun “FSB agenti” olması ilə bağlı məsələyə toxunaraq, bunu “ən böyük bədbəxtlik” adlandırıb: “Düşünürəm ki, cənab Kaxa Kaladze mənim Avropaya səfərlərimin ən böyük bəla olduğunu söylədi. Yox, Kaxa bəy, ən böyük bəla ölkədə baş prokurorun "FSB" agenti olmasıdır. Bu, ən böyük bəladır. Bu gün məsuliyyət bunu araşdırmalı olan qurumların üzərinə düşür, əgər onlarda bununla bağlı panika yoxdursa, bunun özü ən böyük bəladır. Mən burada, qarşınızdayam, tələb edirəm ki, ictimaiyyətə ətraflı, təfərrüatlı araşdırma ilə cavab verilsin. Bu xahiş yox, tələbdir!”, - deyə Zurabişvili vurğulayıb. Prezident onu da deyib ki, Partsxaladze ilə bağlı Birləşmiş Ştatlardan əlavə faktlar tələb etmir, çünki hər şey ortadadır. Məlumat üçün bildirək ki, ABŞ Gürcüstanın keçmiş baş prokuroru Otar Partsxaladzeyə qarşı sanksiyalar tətbiq edib. ABŞ Maliyyə Nazirliyinin Xarici Aktivlərə Nəzarət Ofisinin məlumatına görə, yeni sanksiyalar paketi çərçivəsində Otar Partsxaladze də daxil olmaqla, daha 24 şəxs sanksiyalara məruz qalıb. ABŞ Dövlət Departamenti Otar Partsxaladzeni Gürcüstan cəmiyyətinə və siyasətinə Rusiyanın xeyrinə təsir etmək üçün Rusiyanın Federal Təhlükəsizlik Xidmətinə ("FSB") işləyən gürcü-rus oliqarxı adlandırıb.

www.24news.ge

Zurabişvili hökumətə səslənib: "Ən böyük bəla mənim Avropaya səfərim deyil, baş prokurorun "FSB" agenti olmasıdır"

Digər xəbərlər