Bir neçə nəfərdən ibarət etnik erməni Tbilisidə Ramilə Əliyevanın istefası tələbi ilə aksiya keçirib (FOTO)

Bir neçə nəfərdən ibarət etnik erməni icmasının nümayəndəsi İctimai Yayımçının - "Rəngarəng Gürcüstan" qrupunun rəhbəri, jurnalist Ramilə Əliyevanın istefası tələbi ilə "Birinci Kanal"ın binası önündə etiraz aksiyası keçiriblər. 24News.ge xəbər verir ki, azsaylı qrup üzvləri bir neçə dəqiqə İctimai Yayımçının binası qarşısında oturduqdan sonra buranı tərk ediblər. "Erməni İcması təşkilatı"nın sifarişini yerinə yetirən gənclərin Ramilə Əliyevanı faktlara əsaslanmayan iddialar əsasında ittiham ediblər. Məlumat üçün bildirək ki, sözügedən təşkilat Birinci Kanalın "Rəngarəng Gürcüstan" layihəsinə rəhbərlik edən jurnalist Ramilə Əliyevanın Şuşaya səfər etməsinə etiraz edərək onun istefasını tələb edən bəyanat yayımlayıb. Ramilə Əliyeva isə özünün və komandasının "Erməni İcması təşkilatı" və onun üzvləri tərəfindən bir neçə aydır ki, etnik zəmində ayrıseçkiliklə üzləşdiklərini və qarayaxma kampaniyasına məruz qaldıqalarını bildirib.

www.24news.ge

Bir neçə nəfərdən ibarət etnik erməni Tbilisidə Ramilə Əliyevanın istefası tələbi ilə aksiya keçirib (FOTO)

Digər xəbərlər