Haqqımızda Reklam
09 
Sen
2023
21:22
59
11
1157

Marneulidə iki paneldən ibarət "Soydaş" Gürcüstan - 2023 adlı Forum keçirilib (VİDEO)

Marneulidə yerləşən Azrəbaycan Evində Azərbaycanın Ümummilli Lideri Heydər Əliyevin anadan olmasının 100 illik yubileyinə həsr olunmuş "Soydaş" Gürcüstan - 2023 adlı Forum keçirilib. 24News.ge xəbər verir ki, tədbirdə ictimaiyyət adamları, dövlət rəsmiləri, diplomatlar, qeyri-hökumət təşkilatlarının nümayəndələri və media təmsilçiləri iştirak ediblər. Tədbirdə Azərbaycanın Gürcüstandakı Səfirliyinin müşaviri Eldar Bayramov, Gürcüstan parlamentinin deputatı Zaur Darğallı, Türkiyənin Gürcüstandakı səfirinin müavini Kazım Kartal, Gənclərin Təşəbbüsünə və İnkişafına Dəstək İctimai Birliyinin və Diaspor İnformasiya Mərkəzinin sədri Toğrul Allahverdili, Azərbaycan Mətbuat Şurasının İdarə Heyətinin üzvü, “Yeni Çağ” Media Qrupunun baş direktoru Aqil Ələsgər və digər qonaqlar çıxış ediblər. Çıxış edən qonqalar Forumun mahiyyətindən və Gürücstan Azərbaycan əlaqələrindən danışıblar. Bildirilib ki, Forumun əsas məqsədi Gürcüstanda yaşayan və fəaliyyət göstərən QHT və gənclər təşkilatlarının rəhbərlərini, media nümayəndələrini, eləcə də 100-dən çox qonağı bir araya gətirməkdir. Tədbir panel müzakirələri ilə davam etdirilib. Panel müzakirələrində  "Azərbaycanla Gürcüstan arasında müttəfiqlik və strateji tərəfdaşlıq əlaqələrində soydaşlarımızın rolu" adlı birinci panel Gürcüstan Azərbaycanlılarının İnteqrasiya Mərkəzinə icraçı direktoru Murad Muradovun moderatorluğu ilə keçirilib. Paneldə Gürcüstan Parlamentinin sabiq deputatları Hidayət Hüseynli və Ramiz Bəkirli, eləcə də professor Mahmud Kamaloğlu çıxış ediblər. Media və kommunikasiya mütəxəssisi, doktorant Rəşid Mustafazadənin moderatorluğu ilə keçirilən "Media savadlılığı və Gənclər" adlı ikinci paneldə isə "Lider Media" təşkilatının və 24News.ge xəbər portalının rəhbəri Azər Məmmədov, Aktual medianın rəhbəri, İlkin Hüseynov və RealNews media təşkilatının rəhbəri Almaz Nadiroğlu çıxış ediblər. Onlar öz çıxışlarında, Gürcüstanda fəaliyyət göstərən yerli mediaların rolundan və bu sahədə mövcud problemlərdən danışıblar. Sonda isə “Gənclərin Təşəbbüsünə və İnkişafına Dəstək” İctimai Birliyi təsis etdiyi Soydaş Milli Mükafatının təqdimat mərasimi olub. Qeyd edək ki, Forum “Gənclərin Təşəbbüsünə və İnkişafına Dəstək” İctimai Birliyinin təşkilatçılığı, QHT-lərə Dövlət Dəstəyi Agentliyinin dəstəyi, Azərbaycanın Gürcüstandakı Səfirliyinin və Azərbaycan Diasporuna Dəstək Fondunun rəsmi tərəfdaşlığı ilə baş tutub.

www.24news.ge

(Şahidi olduğunuz hadisələri çəkib bizə göndərin!) 571798989