Gürcüstanda daha bir müasir hava limanı inşa olunacaq

Telavi hava limanının yerində 2024-cü ilin may-iyun aylarından sərnişinləri qəbul edəcək yeni hava limanı tikiləcək. 24News.ge xəbər verir ki, bu barədə baş nazir İrakli Qaribaşvili hökumətin bugünkü iclasında bildirib. Onun sözlərinə görə, yenidən qurma və tikinti işləri bu il başlayacaq: “Bildiyiniz kimi, Telavidə tarixi aerodrom var idi və biz bu yerdə yeni Telavi hava limanı inşa etmək istəyirik. Biz bu il layihələndirməyə və tikintiyə başlayacağıq və istəyirik ki, hava limanı artıq ilk sərnişinlərini 2024-cü ilin may-iyun aylarında qəbul etsin. Layihəyə təxminən 25 milyon lari ayrılıb. Biz hava limanını tamamilə yeniləyəcəyik, uçuş-enmə zolağı 1700 metrə qədər uzadılacaq, müasir naviqasiya sistemləri quraşdırılacaq, ümumilikdə bütün infrastruktur yenilənəcək və yeni parkinq yerləri, sərnişinlər üçün rahat yerlər yaradılacaq. Telavidə müasir hava limanı olacaq. Bu o deməkdir ki, təkcə vətəndaşlarımız deyil, turistlər də gün ərzində rahat uça, Telavidən Batumi, Mestia, Ambrolauri, Kutaisiyə hərəkət edə biləcəklər. Daxili uçuşları və daxili aviasiyanı inkişaf etdirmək lazımdır. Bunun üçün biz hökumət bir neçə ildir ki, şirkətlərə yardım edirik və bu istiqaməti daha da genişləndirəcəyik. Ümumilikdə ölkədə 6 müasir hava limanı fəaliyyət göstərəcək. Bundan əlavə, Telavidəki hava limanı daha çox cəlbedicilik yaradacaq, turistlər və vətəndaşlarımız üçün daha rahat olacaq, hərəkət daha da sürətlənəcək”, – deyə Qaribaşvili vurğulayıb.

www.24news.ge

Gürcüstanda daha bir müasir hava limanı inşa olunacaq

Digər xəbərlər