Gürcüstan - Türkiyə sərhədində yeni gömrük-keçid məntəqəsinin açılışı olub (FOTO)

Gürcüstan-Türkiyə sərhədində, “Vale” gömrük-keçid məntəqəsinin Türkiyə tərəfində yenilənmiş “Türkgözü” gömrük keçid məntəqəsinin açılışı olub. 24News.ge xəbər verir ki, bu barədə Gürcüstanın Maliyyə Nazirliyinin Gəlirlər Xidməti məlumat yayıb. Bildirilir ki, açılış tədbirində Türkiyə tərəfinin dəvəti ilə Gürcüstanın maliyyə nazirinin birinci müavini Qiorqi Kakauridzenin başçılıq etdiyi nümayəndə heyəti iştirak edib. Gürcüstan nümayəndə heyətinin üzvləri türkiyəli həmkarları ilə birlikdə yenilənmiş infrastruktura baş çəkib, gömrük nəzarəti prosedurları ilə tanış olublar. Bildirilib ki, Şərq-Qərb tranzit dəhlizində olan ölkələr kimi Gürcüstan və Türkiyə Respublikası üçün cəlbedici və rəqabətə davamlı tranzit dəhlizinin inkişafına xüsusi önəm verilir. Bunun üçün regionda vahid inkişaf prinsiplərinin yaradılması vacibdir. Qeyd olunub ki, beynəlxalq yük axınının artması ilə “Vale” gömrük-keçid məntəqəsi hər gün 150 yüngül nəqliyyat vasitəsini, 600-ə qədər sərhəd-keçid məntəqəsini keçən şəxsi və 300-dən çox yük avtomobilini qəbul edir. Türkiyə tərəfindən yenilənmiş gömrük infrastrukturunun açılmasından sonra qeyd olunan rəqəmlərin iki dəfə artacağı gözlənilir.

www.24news.ge

Gürcüstan - Türkiyə sərhədində yeni gömrük-keçid məntəqəsinin açılışı olub (FOTO)

Digər xəbərlər