Gürcüstana ən çox pul köçürmələrinin həyata keçirildiyi ölkələrin siyahısı açıqlanıb

2023-cü ilin iyun ayında Gürcüstana xaricdən həyata keçirilən pul köçürmələrinin həcmi 353 milyon, 200 min ABŞ dolları (924 milyon, 500 min lari) təşkil edib. 24News.ge xəbər verir ki, bu barədə Milli Bankın yayımladığı statistikada qeyd olunub. Bildirilir ki, qeydə alınan göstəricilər ötən ilin iyun ayının analoji göstəriciləri ilə müqayisədə 17.4% (74.2 milyon ABŞ dolları) azdır. Xaricdən Gürcüstana pul köçürmələrinin əksəriyyəti (97,1%-i) 25 ölkənin payına düşüb. Sözügedən ölkələrdən Gürcüstana edilən pul köçürmələri ən azı 1 milyon ABŞ dolları təşkil edib. Pul köçürmələrinin 31.14%-i Avropa İttifaqı ölkələrinin payına düşüb. İyun ayında Gürcüstana ən çox pul köçürmələrinin baş tutudğu TOP 10 ölkənin statistikası aşağıdakı kimidir: ● Rusiya - 129 milyon, 310 min dollar; ● İtaliya - 42 milyon, 930 min dollar; ● ABŞ - 38 milyon, 730 min dollar; ● Yunanıstan - 20 milyon, 280 min dollar; ● Almaniya - 20 milyon, 190 min dollar; ● İsrail - 19 milyon, 490 min dollar; ● Qazaxıstan - 17 milyon, 17 min dollar; ● Türkiyə - 10 milyon, 680 min dollar; ● İspaniya - 5 milyon, 180 min dollar; ● Fransa - 4 milyon, 790 min dollar. Cari ilin iyun ayında Azərbaycandan Gürcüstana pul köçürmələrinin həcmi 3 milyon, 420 min dollar, Polşadan 2 milyon 580 min dollar, Ermənistandan isə 1 milyon 610 min dollar təşkil edib. Qeyd edək ki, 2023-cü ilin iyun ayında Gürcüstandan xaricə köçürülən vəsaitin miqdarı isə 28,8 milyon ABŞ dolları (75,5 milyon lari) təşkil edib.

www.24news.ge

Gürcüstana ən çox pul köçürmələrinin həyata keçirildiyi ölkələrin siyahısı açıqlanıb

Digər xəbərlər