Bu gündən etibarən birinci sinif şagirdlərinin qeydiyyatı başlayır

Birinci sinif şagirdlərinin qeydiyyatının III mərhələsi - ümumi qeydiyyat başlayıb və iyunun 23-dək davam edəcək. 24News.ge xəbər verir ki, bu barədə Təhsil və Elm Nazirliyi məlumat yayıb. Bildirilir ki, hazırda qeydiyyat Təhsilin İdarə Edilməsi İnformasiya Sisteminin rəsmi internet saytında www.registration.emis.ge vasitəsilə aparılır. Təhsil Nazirliyindən verilən məlumata görə, qeydiyyat valideyn/qanuni nümayəndə tərəfindən həyata keçirilir. Elektron qeydiyyatdan keçmiş tələbənin qəbulu üçün zəruri sənədlərin təqdim edilməsi iyunun 26-dan iyulun 12-dək aparılacaq. Göstərilən müddətdə sənədlər təqdim edilmədikdə, qeydiyyat avtomatik olaraq ləğv ediləcək. Birinci sinfə qəbul üçün valideyinlərdən və uşaqlardan aşağıdakı sənədlər tələb edilir: 1.) Şagirdin qanuni nümayəndəsinin yaşayış yeri və telefon nömrəsi haqqında məlumat. 2.) Gürcüstanda yaşayan yeri ilə bağlı sənədin surəti (varsa). Sənəd xarici dildə təqdim edilərsə, onun gürcü dilində tərcümə edilmiş versiyası da olmalıdır. 3.) Şagirdin doğum haqqında şəhadətnaməsinin və ya şəxsiyyətini təsdiq edən sənədin surəti və Gürcüstanda yaşayış yeri haqqında sənədin surəti (varsa). Sənəd xarici dildə təqdim edilərsə, onun gürcü dilində tərcümə edilmiş versiyası da olmalıdır. Qeyd edək ki, “IV mərhələ - iyulun 17-dən iyulun 28-dək məktəblərdə həyata keçiriləcək. Bu mərhələdə I, II və III mərhələlərdə qeydiyyatdan keçə bilməyən və ya qeydiyyatını dəyişmək istəyən şagirdlər qalan boş yerlərə və ya əvvəlki mərhələlərdə boşalmış yerlərə qeydiyyatdan keçə biləcəklər.

www.24news.ge

Bu gündən etibarən birinci sinif şagirdlərinin qeydiyyatı başlayır

Digər xəbərlər