Haqqımızda Reklam
08 
Iyn
2023
09:02
9
34
1723

Kaxovka SES-də baş verən partlayışdan sonra 100-ə yaxın yaşayış yeri sular altında qalıb (FOTO)

Kaxovka su elektrik stansiyasında (SES) baş vermiş partlayışdan sonra Ukraynanın təxminən 95 yaşayış məntəqəsi daşqınlar altında qalıb. 24News.ge xəbər verir ki, bu barədə Ukrayna mətbuatı məlumat yayıb. Bundan başqa, daşqın nəticəsində 6 nəfərin həlak olduğu, 7 nəfərin isə itkin düşdüyü bildirilir. Məlumata əsasən, suyun səviyyəsi 3-4 metrə yüksəlib və bir çox binaların ikinci mərtəbəsinə çatıb. Bildirilir ki, Rusiyanın işğalında olan şəhər və qəsəbələrdə insanlara yalnız Rusiyanın ərzisinə təxliyə təklif olunur. Qeyd edək ki, Ukraynada Kaxovka SES-in bəndi məhv edilib. Ukraynanın "Cənub" operativ komandanlığı SES-i Rusiyanın partlatdığını açıqlayıb. Xatırladaq ki, Kaxovka SES Ukraynanın cənubundakı rayonların elektrik, enerji, suvarma və su təchizatı, eləcə də Xersondan Zaporojyeyə naviqasiya üçün Dnepr axınının illik tənzimlənməsini təmin edirdi. Kaxovka SES 2022-ci ilin fevralında Şimali Krım kanalı ilə birlikdə Rusiya tərəfindən işğal olunub.

www.24news.ge

(Şahidi olduğunuz hadisələri çəkib bizə göndərin!) 571798989