Baş nazir: "İddia edirdilər ki, guya biz Saakaşvilini zəhərləmişik, lakin..."

"İddia edirdilər ki, guya biz Saakaşvilini zəhərləmişik, ona işgəncə vermişik və onu öldürürük, lakin o, hələ də sağdır və hər şey qaydasındadır". 24News.ge xəbər verir ki, bu sözləri baş nazir İrakli Qaribaşvili jurnalistlərə müsahibəsində deyib. Onun sözlərinə görə, Saakaşvilinin sağlamlıq vəziyyəti ilə bağlı yayılan məlumatlar həqiqəti əks etdirmir və bu özünü Strasburq məhkəməsinin verdiyi qərarda da öz əksini tapıb: "Məlum oldu ki, Saakaşvilinin dövründə Amerikadakı Gürcüstanın keçmiş səfiri İakobaşvili yeni lobbi şirkətlərinin axtarışına cəlb olunub. Saakaşvili lobbi şirkətləri tutub, rəsmi olaraq yalnız bir şirkətə milyon dollar ödənilib ki, bu da ölkəmizə qarşı cilovsuz, antimilli, anti-gürcü kampaniyası aparmaq üçün edilib. Guya biz Saakaşvilini zəhərləmişik. Mənim beynəlxalq platformalarda çıxıb bunları danışmağım sizin xoşunuza gəlmir. Mən bu barədə açıq danışıram. Məlumatlar yayılırdı ki, guya biz Saakaşvilini zəhərləmişik, işgəncə vermişik və onu öldürürük, lakin o, sağdır və hər şey qaydasındadır. Üzərimizə atılan bütün bu çirkablar Strasburq məhkəməsinin çox sərt qərarı ilə başa çatdı", - deyə Qaribaşvili vurğulayıb. Məlumat üçün bildirək ki, aprel ayında Mixeil Saakaşvilinin ailə üzvləri onun xaricdə müalicəsi ilə bağlı Strasburq məhkəməsinə müraciət etmişdir, may ayında isə Strasburq məhkəməsi Saakaşvilinin xaricə köçürülməsinə ehtiyac olmadığı barədə qərar çıxarıb.

www.24news.ge

Baş nazir: "İddia edirdilər ki, guya biz Saakaşvilini zəhərləmişik, lakin..."

Digər xəbərlər