Haqqımızda Reklam
07 
Iyn
2023
21:38
48
5
5869

Marneuli də daxil olmaqla regionlarda 15 nəfər saxlanılıb (VİDEO)

Polisin Tbilisi və regionlarda həyata keçirdiyi əməliyyat-axtarış tədbirləri nəticəsində qanunsuz odlu silah saxlamaq ittihamı ilə 15 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Əməliyyat axtarış tədbirləri nəticəsində polis "Makarov", "Mauzer" tipli tapançalar, avtomat, kapsul-detonator, ov tüfəngi və çox sayda patron müsadirə edib. Bildirilir ki, əməliyyat axtarış tədbirləri Tbilisi, Kvemo-Kartli, Kaxeti, İmereti, Acarıstan, Raca Leçxumi və Quriya polis departamentlərinin əməkdaşları tərəfindən həyata keçirilib. Kvemo-Kartli bölgəsinin Marneuli bələdiyyəsi ərazisində də əməliyyat-axtarış tədbirləri baş tutub. Üzərindən 1 ədəd tapança və 5 ədəd patron tapılan 2004-cü il təvəllüdlü Marneuli sakini, M.A, polis tərəfindən saxlanılıb. Daxili İşlər Nazirliyinin məlumatına görə, faktla bağlı Cinayət Məcəlləsinin 236-cı maddəsi əsasında istintaq aparılır. Təqsirləndirilən şəxsləri 3 ildən 7 ilədək azadlıqdan məhrumetmə cəzası gözləyir.

www.24news.ge

(Şahidi olduğunuz hadisələri çəkib bizə göndərin!) 571798989