Prezident paradda hökumətə qarşı sərt ifadələr işlədib: "Ləyaqətimiz 200-300 milyona satılır?"

Ölkə prezidenti Salome Zurabişvili, Tbilisidə Müstəqillik Günü münasibətilə keçirilən paradda çıxışı zamanı, Rusiya ilə Gürcüstan arasında uçuşların bərpasını yenidən ciddi tənqid edib. 24News.ge xəbər verir ki, Zurabişvili uçuşların belə bir zamanda bərpasının yol verilməz olduğunu bildirib. Xanım Zurabişvilinin sözlərinə görə, kim düşünürsə ki, Rusiya güzəştlər müqabilində əraziləri Gürcüstana qaytaracaq, tarixdən heç nə öyrənməyib: “Bu gün bizə "hədiyyə" edilən uçuşların ölkəyə neçə milyon gətirəcəyini hesablayırıq. Bütün bunlar anlaşılmaz və təhqiramizdir. Ləyaqətimiz 200, yoxsa 300 milyona satılır?!". Avropaya inteqrasiya konstitusiyada öz əksini tapdığı bir halda bizim xarici siyasətimiz anlaşılmaz hala düşüb. Gündəlik bəyanatlar, hərəkətlər bizi Avropadan ayırır və təcrid vəziyyətinə salır. Sual olunur ki, “Avropa bizim sivilizasiya seçimimizdir” sözləri harda itib? Biz dost və tərəfdaş ölkələrimizi danlayır, onları lənətləyirik. Həmin ölkələr bizə kömək əli uzatdı, dövlətin qurulmasında, formalaşmasında bizə yardım etdi. Əksinə, biz isə bu gün ərazimizi işğal altında saxlayanları qoruyur, onlara qayğı göstəririk. Atalarımız diplomatiyanı, balanslı siyasəti, ehtiyatlılığı yaxşı bilirdilər, lakin onlar heç vaxt ləyaqətdən, prinsiplərdən əl çəkmirdilər". Zurabişvili Rusiyalı məmurların ölkəyə sərbəst daxil olmalarına da kəskin münasibət bildirib. Onun sözlərinə görə, Rusiyadan gələnlərin kütləviliyi və onların fəaliyyəti ilə bağlı niyə heç bir tədbirin və ədalətli tənzimləmənin qəbul edilmədiyi bəlli deyil: "Hökumətə öz xalqının səbrini sınamaq yox, xidmət etmək tapşırılıb. Hökumət ərazinin qorunmasına və sərhədin idarə edilməsinə cavabdehdir - siz bilməlisiniz ki, ölkəyə kim daxil olub, kim çıxır, işğalçı ölkənin ən yüksək siyasi dairəsinin üzvlərinin ölkəyə əvvəlcədən xəbərdarlıq etmədən daxil olmasına inanmaq çətindir", - deyə Zurabişvili vurğulayıb. Prezident həmçinin, mayın 31-də ölkənin Avropa gələcəyi üçün Brüsselə səfər edəcəyini və gürcü xalqının səsini Avropaya çatdıracağını bildirib.

www.24news.ge

Prezident paradda hökumətə qarşı sərt ifadələr işlədib: "Ləyaqətimiz 200-300 milyona satılır?"

Digər xəbərlər