Haqqımızda Reklam
26 
May
2023
13:13
34
9
1088

"Avropalı Gürcüstan" partiyasının sədri və üzvləri Bolnisidə görüş keçiriblər (VİDEO)

"Avropalı Gürcüstan" partiyasının sədri Qiqa Bokeria, partiyanın katibi Akaki Boboxidze, həmçinin partiyanın Marneuli şəhər qərərgahının rəhbəri Əhməd İmamquliyev ilə birlikdə Bolnisidə yerli sakinlərlə görüş keçirib. 24News.ge xəbər verir ki, bu barədə partiyanın "Facebook" səhifəsində məlumat dərc edilib. Bildirilir ki, görüşdə "Avropalı Gürcüstan" partiyasının Bolnisidə yenilənmiş heyətinin nümayəndələri iştirak ediblər. Partiyanın sədri, Qiqa Bokeriyanın sözlərinə görə, görüşdə partiyanın gələcək planları və strategiyası müzakirə edilib: "Məqsədimiz bütün Gürcüstan miqyasında, ölkənin hər bir bölgəsində, hər bir kəndində aktiv vətəndaşlarla əlaqə saxlamaqdır. Kimlər gələcəklərinin öz əlində olduğunu hesab edirsə, gələcəklə bağlı kimlərlə eyni baxışa sahibiksə, hazırkı rejimin demokratik yollarla dəyişdirilməsində başlıca qüvvə olacaq şəxslərlə görüşürük. Bunun üçün, hər yerdə aktiv vətəndaşlar axtarmaq lazımdır. Çox sevinirəm ki, burada aktiv vətəndaşlardan ibarət qrup Avropalı Gürcüstan partiyasına daxil olub. Biz bu prosesin hər yerdə davam etdirilməsini planlayırıq", - deyə Q. Bokeria bildirib. Partiyanın Marneuli şəhər qərərgahının rəhbəri Əhməd İmamquliyev bildirib ki, partiya olaraq regionda aktiv şəkildə görüşlərə və fəaliyyətlərə başlayırlar: "Bolnisi bələdiyyəsində Avropalı Gürcüstan komandasına Fəqan Hüseynovun liderliyi ilə yeni qrup qoşuldu. Bu gündən etibarən biz regionda aktiv işləməyə başladıq. Hər kəslə görüşümüz olacaq. Biz Gürcü Arzusunu mütləq məğlub edəcəyik", - deyə Əhməd İmamquliyev vurğulayıb.

www.24news.ge

(Şahidi olduğunuz hadisələri çəkib bizə göndərin!) 571798989