"Powerlifting" idman növü üzrə keçirilən dünya çempionatında Gürcüstan idmançıları 3 qızıl medala sahib olublar

Cənubi Afrika Respublikasında "Powerlifting" idmanının "Bench-press" növü üzrə keçirilən yarışda iştirak edən Gürcüstan idmançıları 3 qızıl, 3 gümüş və 2 bürünc medala sahib olublar. Bu barədə 24News.ge xəbər portalına Atletizm Federasiyasından məlumat verilib. Məlumatda bildirilir ki, Cənubi Afrika Respublikasında keçirilən dünya çempionatından Gürcüstandan ümumilikdə 11 idmançı qatılıb. Kişilər arasında açıq yaş kateqoriyasında komanda Yaponiyadan sonra 2-ci, Ukrayna komandası isə 3-cü yerdə qərarlaşıb. Bu isə Gürcüstan Atletizm Federasiyası tarixində ilk yüksək nəticədir. Qeyd edək ki, vətənə qayıdan idmançıları Tbilisi Beynəlxalq Hava Limanında Gürcüstan Atletizm Federasiyasının prezidenti Temur Abazov, Siqnaği bələdiyyəsinin meri Malxaz Beqiaşvili və digər rəsmi şəxslər qarşılayıblar.

www.24news.ge

"Powerlifting" idman növü üzrə keçirilən dünya çempionatında Gürcüstan idmançıları 3 qızıl medala sahib olublar

Digər xəbərlər