Rusiya təyyarəsinin ardınca Gürcüstana məxsus təyyarə Moskvaya uçuş həyata keçirib

4 illik fasilədən sonra Gürcüstanın "Georgian Airways" aviaşirkətinə məxsus sərnişin təyyarəsi Rusiyaya birbaşa uçuş həyata keçirib. 24News.ge xəbər verir ki, yerlərinin 80 faizinin dolu olduğu bildirilən təyyarə Tbilisi-Moskva istiqamətində uçaraq Vnukovo hava limanına eniş edib. Qeyd edək ki, "Georgian Airways" Rusiyaya birbaşa uçuşlar həyata keçirmək icazəsini mayın 16-da əldə edib. Rusiyadan Gürcüstana ilk uçuşu isə "Azimuth Airlines" ötən gün Tbilisi Beynəlxalq Hava Limanına həyata keçirib. Məlumat üçün bildirək ki, Gürcüstan Prezidenti Salome Zurabişvili Rusiyaya birbaşa uçuşları bərpa etdiyinə görə, "Georgian Airways" aviaşirkətini boykot edib. Vətəndaşları da boykota qoşulmağa çağıran Salome Zurabişvili qeyd edib ki, "Georgian Airways" şirkəti hazırkı vəziyyətdə varlanmaq üçün dövlətin verdiyi bütün imtiyazlardan istifadə edib.

www.24news.ge

Rusiya təyyarəsinin ardınca Gürcüstana məxsus təyyarə Moskvaya uçuş həyata keçirib

Digər xəbərlər