Haqqımızda Reklam
30 
Mar
2023
18:18
38
8
1506

Gürcüstan Azərbaycandan benzin və dizel idxalını dayandırıb

Gürcüstan bu ilin yanvarından etibarən Azərbaycandan benzin və dizel idxalını dayandırıb. 24News.ge xəbər verir ki, bu barədə Gürcüstan Neft Məhsulları İdxalçıları İttifaqının hesabatında bildirilib. Qeyd olunub ki, cari ilin yanvar-fevral ayları ərzində Gürcüstanın benzin və dizel yanacağı idxalı illik ifadədə 8,4 min ton və ya 4,6% azalaraq 174,1 min ton təşkil edib. Hesabat dövründə idxal edilən yanacağın 81,8 min tonunu benzin, 92,3 min tonunu isə dizel təşkil edib. “SOCAR Georgia Petroleum” şirkətinin Baş icraçı direktoru Nodar Kançaveli Gürcüstanın Azərbaycandan yanacaq idxalını minimuma endirməsinin səbəbini açıqlayıb. Kançaveli bildirib ki, bu, Bakıda Neft Emalı Zavodunda ötən ilin martında başladılan modernzasiya işləri ilə əlaqədardır. Onun sözlərinə görə, Gürcüstan assosiasiya sazişinə uyğun olaraq yanvarın 1-dən Avro-5 dizel standartına keçdiyindən hazırda Azərbaycandan dizel yanacağı tədarükü dayandırılıb. Nodar Kançaveli Gürcüstanın bu ilin mayından etibarən Azərbaycandan ən yüksək standartlı yanacaq qəbul edə biləciyini qeyd edib. Baş icraçı direktor bu vaxtadək Avro-4 standartlı yanacaq ixrac edən Azərbaycanın Gürcüstanın dizel topdansatışı bazarındakı payının 40% təşkil etdiyini bildirib. Qeyd edək ki, yanvar-fevral ayları ərzində Gürcüstanın əsas yanacaq tədarükçüsü Rusiya olub. Hesabat dövründə Rusiyadan 148,5 min ton yanacaq idxal edib ki, bu da ümumi idxalın 85,3%-ni təşkil edib. Gürcüstanın yanacaq idxal etdiyi digər ölkələr isə Rumıniya (26,4 min ton) və Belarus (0,7 min ton), Türkmənistan (0,2 min ton), Ukrayna (0,1 min ton), Bolqarıstan (0,1 min ton) olub.

www.24news.ge

(Şahidi olduğunuz hadisələri çəkib bizə göndərin!) 571798989