Avstriya Kansleri Gürcüstanda səfərdədir (FOTO)

Gürcüstanın Baş naziri İrakli Qaribaşvili Tbilisidə səfərdə olan Avstriya kansleri Karl Nehammerlə görüşüb. 24News.ge xəbər verir ki, rəsmilər təkbətək görüş zamanı ikitərəfli əlaqələrin gündəliyində olan məsələləri müzakirə ediblər. Görüşdən sonra keçirilən mətbuat konfransında Nehammer Gürcüstanın ərazi bütövlüyünü bir daha dəstəkləyib. O, bildirib ki, Rusiya ordusu Gürcüstan ərazilərində yerləşdirilib və bu, avtomatik olaraq Gürcüstanın həyata keçirdiyi bütün istiqamətlərdə böyük çətinliklər deməkdir. kansler Gürcüstanın Avropa İttifaqına daxil olmaq prosesində öz dəstəyini bir daha səsləndirib. Baş nazir İrakli Qaribaşvili isə öz növbəsində qeyd edib ki, Karl Nehammerin tarixi səfəri ölkələr arasında dinamik əməkdaşlığı və Gürcüstanın Avropa İttifaqına inteqrasiyasına Avstriya Respublikasının sarsılmaz dəstəyini təsdiqləyir. Bildirib ki, görüşlər zamanı bir çox digər məsələlərlə yanaşı, ticarət-iqtisadi əlaqələrin dərinləşdirilməsi perspektivləri də müzakirə edilib.

www.24news.ge

Avstriya Kansleri Gürcüstanda səfərdədir (FOTO)

Digər xəbərlər