"VMH"nın yeni sədri deyib: "Mişa, mən sizə söz verirəm ki, sağlamlığınız təmin olunanadək biz dayanmayacağıq"

"Qələbəni bayram etmək fikrində deyilik. Bu gündən etibarən ölkəmizi sülhə aparacaq proses başlayır - Mişa [Saakaşvili], mən sənə söz vermək istəyirəm ki, sənin həyatın və sağlamlığın təmin olunmayana qədər biz mübarizəmizi dayandırmayağıq". 24News.ge xəbər verir ki, bu sözləri "VMH"nın yeni sədri seçilmiş Levan Xabeişvili partiyanın ofisində keçirdiyi brifinqdə deyib. O bildirib ki, bu gündən ölkədə oliqarx rejimini məğlub etmək üçün çətin, lakin davamlı mübarizə başlayır: “Bu seçkilərlə Vahid Milli Hərəkat sübut etdi ki, onu məğlub etmək, döyüş meydanından çıxarmaq mümkün deyil. Partiyamız bu seçkilərlə sübut etdi ki, sıradan bir partiya deyil, ölkəmizə qələbə qazandırmaq həsrətində olan yorulmaz insanların böyük birliyidir. Gəlin hamıya – dosta və düşmənə, ölkə daxilində və xaricində hamıya sübut edək ki, biz Vahid Milli Hərəkatın təməlini formlaşdıran dəyərlərə sadiqik. Biz Qızılgül İnqilabını formalaşdıran dəyərlərə sadiqik. Demokratiya bizim üçün sadəcə söz deyil. Milli Hərəkat Gürcüstanda demokratik, qərb dəyərlərinə sadiqliyini sübut edən yeganə partiyadır və baş tutmuş seçkilər də bunun aydın və birbaşa təzahürüdür. Bu gündən Rusiyanın oliqarx rejimini məğlub etmək üçün çətin, lakin davamlı mübarizəyə başlayırıq. Odur ki, bu gündən etibarən Vahid Milli Hərəkat bütün yeni insanlara, bu mübarizədə bir kərpic belə qoya bilən köhnə və ya yeni, bütün yoldaşlarımızın üzünə açıq olacaq. Bu qələbə hazırda yaşamaq üçün mübarizə aparan Mixeil Saakaşviliyə məxsusdur. Aydındır ki, ilk qərarlarımız prezident Saakaşvilinin azadlığı uğrunda mübarizə ilə bağlı olacaq”, - deyə Levan Xabeişvili vurğulayıb.

www.24news.ge

"VMH"nın yeni sədri deyib: "Mişa, mən sizə söz verirəm ki, sağlamlığınız təmin olunanadək biz dayanmayacağıq"

Digər xəbərlər