Ölkə üzrə 885 uşaq bağçasının tikinti və bərpası ilə bağlı geniş miqyaslı proqram başlayır

Baş nazirin təşəbbüsü ilə ölkə üzrə 885 uşaq bağçasının tikintisi və bərpasını nəzərdə tutan yeni proqram başlayır. 24News.ge xəbər verir ki, sözügedən məsələ bu gün İrakli Qaribaşvilinin rəhbərliyi ilə hökumətin iclasında müzakirə edilib. Qeyd olunub ki, proqrama əsasən, 330 yeni uşaq bağçası tikiləcək və 555 mövcud olan bağça isə bərpa olunacaq. Bildirilib ki, bağçaların tikintisi və bərpa proqramı bir neçə mərhələdə həyata keçiriləcək və bunun üçün dövlət büdcəsindən 1,3 milyard lari xərclənəcək. Qeyd edək ki, 2023-cü il büdcəsində işlərin birinci mərhələsi üçün artıq 100 milyon lari nəzərdə tutulub. Tikinti və bərpa işləri Gürcüstanın Regional İnkişaf və İnfrastruktur Nazirliyinin Bələdiyyələrin İnkişafı Fondu tərəfindən aparılacaq, yaxın vaxtlarda tenderlər elan ediləcək.

www.24news.ge

Ölkə üzrə 885 uşaq bağçasının tikinti və bərpası ilə bağlı geniş miqyaslı proqram başlayır

Digər xəbərlər