Haqqımızda Reklam
30 
Yan
2023
12:42
50
6
1626

Seçkilərdə məğlub olan Nika Melia gələcək fəaliyyəti barədə açıqlama verib

“Mən Levan Xabeişvilini seçkilərdə qalib gəlməsi münasibətilə təbrik edirəm və partiyanı ləyaqətlə və ədalətli şəkildə idarə etməsini arzulayıram. Ümid edirəm ki, o, bunu bacaracaq”. 24News.ge xəbər verir ki, bu sözləri partiyada baş tutan seçkiləri şərh edən Nika Melia mətbuat konfransında deyib. O bildirib ki, ölkədə siyasi məhbuslar var və belə bir zamanda mübarizəni dayandırmaq olmaz: “Ölkəni idarə etmək və eyni zamanda hakimiyyəti dinc yolla təhvil vermək təcrübəsinə malik olan Vahid Milli Hərakat partiyasında seçkilər başa çatıb. Bu ənənəni məhz bu partiya yaradıb. Hesab edirəm ki, dövlətimizin vəziyyətindən çıxış edərək, bu seçkidə kiminsə qalib və ya uduzan adlandırmaq çətindir. Ölkədə Mixeil Saakaşvili və Nika Qvaramiya kimi siyasi məhbuslar var. İndiki hakimiyyətin dövründə ölkənin xarici siyasət kursu çox güclü şəkildə Rusiyanın orbitinə doğru dəyişir, bu amillərdən çıxış edərək, bu seçkilərdə kiminsə qalib və ya uduzan adlandırmaq çətindir. Əminəm ki, yaxın gələcəkdə hamımız birlikdə qalib gələcəyik - gürcü cəmiyyəti qalib gələcək, gürcü dövləti qalib gələcək, ölkəmizin gələcəyi parlaq olacaq və əminəm ki, çoxlu xaricdə olan mühacir vətəndaşlarımız geri qayıdacaq", - deyə Nika Melia bildirib. Bundan başqa Nika Melia bildirib ki, o, partiyada qalır və siyasi mübarizəsinə davam edəcək.

www.24news.ge

(Şahidi olduğunuz hadisələri çəkib bizə göndərin!) 571798989