Səfirlik əməkdaşları Marneuli və Bolnisidən olan 20 Yanvar şəhidlərinin yaxınlarını ziyarət ediblər (VİDEO)

Azərbaycanın Gürcüstandakı səfirliyinin əməkdaşları Sərxan İsmayılov, Kamil Əfəndiyev və Röyal Həsənov 20 Yanvar faciəsinin 33-cü ildönümü ilə bağlı, əslən Marneuli və Bolnisidən olan şəhid ailələrini ziyarət ediblər. 24News.ge xəbər verir ki, onlar ilk öncə Marneuli Bələdiyyəsinin Algeti kəndində 20 Yanvar və 9 Aprel şəhidlərinin şərəfinə ucaldılmış abidə önünə gül dəstələri qoyublar. Mərasimdə İnkişaf və Təhsil mərkəzinin rəhbəri Emin Əhmədov və digər ictimaiyyət adamları da iştirak ediblər. Daha sonra Marneuli bələdiyyəsinin Kirəc-Muğanlı kəndindən olan şəhid Vəfadar Eminovun qardaşı Etibar Eminovun ailəsinə baş çəkilib. Səfirlik əməkdaşları şəhidin yaxınlarına başsağlığı verib və ailənin qayğıları ilə maraqlanıblar. Vəfadar Eminovun yaxınları göstərilən diqqət və qayğıya görə minnətdarlıq ifadə ediblər. Sonra Mursaqulov İsmayıl Həsən oğlunun xartirəsini yad etmək üçün səfirlik əməkdaşları Qızılhacılı kəndində olublar. Onlar şəhidin Marneulidə yaşayan yaxınlarına başsağlığı verib qayğıları ilə maraqlanıblar. Sərxan İsmayılov deyib ki, 20 Yanvar şəhidləri Azərbaycan xalqının azadlıq mübarizəsinin qəhrəmanlarıdır və onların xatirələri hər zaman azərbaycanlıların yaddaşında yaşayacaq. Şəhidin qohumları göstərilən diqqət və ehtirama görə Azərbaycan səfirliyinə və Azərbaycan hökumətinə minnətdarlıq ediblər. Qeyd edək ki, səfirlik əməkdaşları Bolnisi rayonunun Faxralı kəndindən olan şəhid İlqar Əhmədovun yaxınlarını da ziyarət edib, başsağlığı veriblər.

www.24news.ge

Səfirlik əməkdaşları Marneuli və Bolnisidən olan 20 Yanvar şəhidlərinin yaxınlarını ziyarət ediblər (VİDEO)

Digər xəbərlər