Davam edən etirazlardan sonra İranda əxlaq polisi ləğv edilib

İran hakimiyyəti əxlaq polisini ləğv etmək qərarına gəlib. 24News.ge xəbər verir ki, bu barədə “Arab News” ölkənin Baş Prokurorluğuna istinadən məlumat yayıb. İranın baş prokuroru Məhəmməd Cəfər Montazerinin sözlərinə görə, “əxlaq polisi İslam Respublikasının hüquq-mühafizə sistemi ilə heç bir əlaqəsi olmadığı üçün ləğv edilib”. Xatırladaq ki, bir neçə ay öncə İranın əxlaq polisi tərəfindən 22 yaşlı Məhsa Əmininin hicabla bağlı saxlanılmasından sonra onun ölümü, ölkənin bir sıra şəhərlərində etirazlarla qarşılanıb. Məlumat üçün bildirək ki, ölkə konstitusiyasının bəzi maddələri də dəyişdirilə bilər. Bununla bağlı İran prezidenti İbrahim Rəisi ölkədə davam edən etirazlar fonunda ölkənin 1979-cu ildə qəbul edilmiş konstitusiyasının bəzi maddələrinin dəyişdirilməsinin mümkünlüyünü bildirib.

www.24news.ge

Davam edən etirazlardan sonra İranda əxlaq polisi ləğv edilib

Digər xəbərlər