Haqqımızda Reklam
04 
Dek
2022
19:00
41
8
797

Səfir Faiq Quliyev Batumidə Gürcüstan Müsəlmanları İdarəsinin Qərbi Gürcüstan Müftiliyini ziyarət edib

Azərbaycan Respublikasının Gürcüstandakı səfiri Faiq Quliyev Batumi şəhərində Bütün Gürcüstan Müsəlmanları İdarəsinin Qərbi Gürcüstan Müftiliyinin ofisini ziyarət edərək, Qərbi Gürcüstan müftisi Adəm Şantadze ilə görüşüb. 24News.ge xəbər verir ki, bu barədə səfirlik məlumat yayıb. Məlumatda bildirilir ki, qonaqları səmimi salamlayan müfti A.Şantadze cari ilin may ayında bir qrup din xadimi ilə birlikdə Azərbaycana səfərləri müddətində xoş xatirələrindən danışaraq, Qərbi Gürcüstan Müftiliyinin fəaliyyəti barədə məlumat verib. Öz növbəsində səmimi qəbula görə minnətdarlığını bildirən səfir Faiq Quliyev Azərbaycan-Gürcüstan münasibətlərinin yüksək səviyyəyə qaldırılması istiqamətində son illər görülən işlərdən, xüsusilə dini sahədə münasibətlərin inkişafı üçün Gürcüstanın Dini Məsələlər üzrə Dövlət Agentliyinin nümayəndə heyətinin Azərbaycana, Azərbaycan Respublikasının Dini Qurumlarla İş üzrə Dövlət Komitəsinin nümayəndə heyətinin Gürcüstana uğurlu səfərlərindən, eləcə də humanitar sahədə Gürcüstanda Azərbaycanın dəstəyi ilə həyata keçirilən layihələrdən danışıb, Azərbaycan tərəfinin SOCAR-ın Gürcüstan nümayəndəliyi vasitəsilə bundan sonra da Gürcüstandakı məscidləri ödənişsiz qazla təmin edəcəyini vurğulamışdır. Görüşdən sonra səfir F. Quliyev onu müşayiət edənlərlə birlikdə keçən il təmir olunmuş mərkəzi Batumi məscidinə baş çəkib. Qeyd edək ki, görüşdə Azərbaycan Respublikasının Gürcüstandakı Səfirliyinin, Batumi şəhərindəki Baş konsulluğunun, SOCAR-ın Gürcüstan nümayəndəliyinin, o cümlədən Qərbi Gürcüstan Müftiliyinin məsul əməkdaşları da iştirak ediblər.

www.24news.ge

(Şahidi olduğunuz hadisələri çəkib bizə göndərin!) 571798989