Tbilisidə qış xeyriyyə yarmarkasında Azərbaycan xalqına məxsus milli incəsənət və mətbəx nümunələrimiz nümayiş olunub

Paytaxt Tbilisidə Gürcüstanın Beynəlxalq Qadınlar Assosiasiyasının təşkil etdiyi ənənəvi “Qış xeyriyyə yarmarkası” baş tutub. 24News.ge xəbər verir ki, sərgi-satış yarmarkasında Azərbaycanın ölkəmizdəki səfirliyinin təşkilatçılığı ilə xalqımıza məxsus milli incəsənət və mətbəx nümunələrimiz nümaiş olunub. Səfirliyin təşəbbüsü və təşkilatçılığı ilə yaradılan guşədə M.F.Axundov adına Azərbaycan Mədəniyyəti Muzeyi, Alyans “Gənclər Mərkəzi”, Marneulidəki “Çay evi” milli suvenirlər, rəsm əsərləri, xalçalar, çay, qida və qənnadı məmulatları təqdim olunub. Yarmarka çərçivəsində xarici ölkələrin milli mətbəxləri pavilyonunda qurulmuş çadırda isə qonaqlara samovar çayı, Azərbaycan xalqının milli mətbəx nümunələri – plov, dolma, kabab, qutab, paxlava, şəkərbura, badambura, şorqoğalı və digər şirniyyat nümunələri təqdim edilib. Azərbaycan guşəsini Gürcüstan rəsmiləri ilə yanaşı Türkiyə, Belarus, Qazaxıstan, Bolqarıstan, Çin, ABŞ, Fransa, Slovakiya, Braziliya və digər ölkələrin səfirliklərinin əməkdaşları ziyarət ediblər. Onların bir çoxu xalça, araqçın papaq, corab və digər suvenirlər alıblar. Azərbaycanın Gürcüstandakı səfirliyinin məsul əməkdaşı Ramel Lətifov guşəni ziyarət edənlərə milli sərvətlərimiz, mədəniyyət, incəsənət və mətbəx nümunələrimiz barədə ətraflı məlumat verib. Yarmarkada 30-a yaxın ölkə və beynəlxalq təşkilatların nümayəndəlikləri iştirak ediblər. Hər bir iştirakçı ölkə və təşkilat ayrıca guşə ilə təmsil olunub. Məlumat üçün bildirək ki, xeyriyyə yarmarkasında satışdan əldə edilən vəsait ehtiyacı olan uşaq, qadın və yaşlılar üçün həyata keçiriləcək layihələrə sərf olunacaq.

www.24news.ge

Tbilisidə qış xeyriyyə yarmarkasında Azərbaycan xalqına məxsus milli incəsənət və mətbəx nümunələrimiz nümayiş olunub

Digər xəbərlər