Qaradabani Bələdiyyəsinin Candar kənd sakinləri tədris prosesinin sinif otaqlarında keçirilməsini tələb edirlər

Qaradabani Bələdiyyəsinin Candar kənd sakinləri kənddəki orta mətkəbdə aparılan təmir işlərinin tez bir zamanda sona çatdırılmasını və tədris prosesinin sinif otaqlarında keçirilməsini tələb edirlər. 24News.ge xəbər verir ki, bununla bağlı sakinlər bu gün məktəb binasının yaxınlığında aksiya keçiriblər. Yerli sakinlərin xəbər portalımıza verdiyi açıqlamada bildirilir ki, Candar kənd məkətəbinin təmir edilməsi barəsində 2020-ci ildə təqribi olaraq 3 milyon lari dəyərində tender elan edilib. Sözügedən tenderdə qalib gələn şirkət məktəbin təmirini 9 ay içərisində tamamlamalı olsa da, lakin işlər bu günədək bitirilməyib. Sakinlərin sözlərinə görə, onlara yeni tədris ilinədək məktəbin tam olaraq təmir ediləcəyi deyilib, indi isə məktəbin ikinci semestrdən etibarən istifadəyə veriləcəyi bildirilir. Kənd əhalisi məsələ ilə bağlı yerli və mərkəzi hakimiyyət orqanlarına ərizə ilə müraciət edəcəklərini bildirirlər. Onların sözlərinə görə, pandemiya dövründə uşaqlar onlayn təhsillə çox geriləyib və bu tendensiyanın davam etməsi məktəblilərin təhsilinə ciddi ziyan verəcək.

www.24news.ge

Qaradabani Bələdiyyəsinin Candar kənd sakinləri tədris prosesinin sinif otaqlarında keçirilməsini tələb edirlər

Digər xəbərlər