Haqqımızda Reklam
06 
Avq
2022
12:47
53
8
1199

7 avqust tarixində Marneulidə Tasua yürüşü baş tutacaq...

"Hər il olduğu kimi bu ildə Məhərrəm ayının 9-da, yəni avqustun 7-i Marneulidə Tasua yürüşü baş tutacaq". Bu barədə 24News.ge xəbər portalına İmam Əli (ə) məscidinin axundu və İmam Cümələrdən Hacı Hacıyev bildirib. O, qeyd edib ki, bu ildə mərasimdə çıxışlar və İmam Əli (ə) fondunun dəstəyi ilə ehsanlar olacaq: "İmam Hüseyn (ə) aşiqlərinin Marneulidə qatılacağı Tasua yürüşü saat 10:00-da Əhli-Beyt cəmiyyətinin qarşısında başlayacaq və saat 11:00-da İmam Əli (ə) məscidinin qarşısına doğru hərəkət ediləcək. Mərasimin sonuna doğri İmam Əli (ə) məscidinin önündə xütbə olacaq. Onu da qeyd edim ki, hər il olduğu kimi, xeyirsevər insanların dəstəyi ilə mərasim iştirakçılarına ehsanlar da paylanılacaq", - deyə H. Hacıyev bildirib. Qeyd edək ki, “Tasua” dedikdə Məhərrəm ayının doqquzuncu günü nəzərdə tutulur. Hicri qəməri təqvimi ilə 61-ci ilin Məhərrəm ayının doqquzunda (Tasuada) Kərbəla çölündə İmam Hüseyn (ə) və onun yaxınları Ömər ibn Sədin (lən) qoşunları tərəfindən mühasirəyə alınıb. Həmçinin həmin vaxt əziz Peyğəmbərimizin (s) Əhli-beytindən olan İmam Hüseyn (ə) və onun yaxınlarının üzünə su yolları bağlanıb.

www.24news.ge

(Şahidi olduğunuz hadisələri çəkib bizə göndərin!) 571798989