Marneulidə yaşayış binasında eyvan uçqunu nəticəsində ölənlərin sayı artıb

Marneuli şəhərinin Nərman Nərimanov küçəsində yerləşən yaşayış binalarından birinin 5-ci mərtəbəsində eyvanın uçması nəticəsində ölənlərin sayı 2 nəfərə çatıb. 24News.ge xəbər verir ki, 40 yaşlı qadın həyatını hadisə zamanı itirsə də, 8 aylıq hamilə olan qadın klinikada dünyasını dəyişib. Mövcud məlumata görə, qəza nəticəsində xəsarət alan daha iki yeniyetmə Marneulidə xəstəxanaya aparılıb. Vəziyyəti nisbətən ağır olan səkkiz yaşlı uşaq isə Tbilisiyə köçürülüb. Faktla bağlı Cinayət Məcəlləsinin təhlükəsizlik qaydalarının pozulmasını nəzərdə tutan 240-cı maddəsi ilə istintaq başlayıb. Xatırladaq ki, bu gün axşam saatlarında Marneuli şəhərinin Nərman Nərimanov küçəsində yerləşən yaşayış binalarından birinin 5-ci mərtəbəsində eyvan uçub.

www.24news.ge

Marneulidə yaşayış binasında eyvan uçqunu nəticəsində ölənlərin sayı artıb

Digər xəbərlər