Avropa Şurası Gürcüstan, Ukrayna və Moldova barəsində qərar verib

Avropa Şurası Gürcüstan, Ukrayna və Moldovanın İttifaqa üzvlüyə namizəd ölkə statusu məsələsi ilə bağlı qərar qəbul edib. 24News.ge xəbər verir ki, Moldova və Ukraynaya namizəd ölkə statusu verilib, Gürcüstanın isə status almaq üçün bəzi öhdəlikləri yerinə yetirməli olduğu qeyd olunub. Avropa Şurasının prezidenti Şarl Mişel bildirib ki, Gürcüstanla bağlı xüsusi qərar qəbul edilib: "Avropa Şurası Gürcüstanın Avropa perspektivini qəbul etmək qərarı verdi. İttifaq sadalanan prioritetlərin həyata keçirilməsindən sonra Gürcüstana namizəd ölkə statusu verməyə hazırdır", - deyə Ş.Mişel bildirib. O, Ukrayna və Moldova prezidentləri - Volodimir Zelenski və Maria Sandunu qəbul olunan qərar münasibətilə təbrik edib.

www.24news.ge

Avropa Şurası Gürcüstan, Ukrayna və Moldova barəsində qərar verib

Digər xəbərlər