Tbilisidə və bir neçə regionda odlu silah saxlamaqda ittiham olunan 4 nəfər saxlanılıb (VİDEO)

Tbilisi, Şida Kartli və İmeretidə qanunsuz olaraq odlu silah gəzdirilməsi, saxlanılması və satılması faktlarına görə 4 nəfər saxlanılıb. 24News.ge xəbər verir ki, bu barədə Daxili İşlər Nazirliyi məlumat yayıb. Məlumata əsasən, Tbilisidə saxlanılan 1993-cü il təvəllüdlü şəxs əvvəlcədən də bir sıra cinayətlərə görə məhkum olunub, hazırda isə qanunsuz olaraq bir ədəd odlu silah, 1 ədəd darağ və 7 ədəd mərmi saxlama faktına görə saxlanılıb. Bununla yanaşı, İmeretidə saxlanılan 1971 və 1980-ci il təvəllüdlü vətəndaşlar qanunsuz odlu silah saxlama və satmaqda təqsirləndirilirlər. Aparılan istintaq tədbirləri nəticəsində həmin şəxslərin müxtəlif vaxtlarda 9 ədəd tapança aldıqları, onun isə bir qismini satdıqları, geridə qalanlarını isə qanunsuz olaraq saxladıqları aşkarlanıb. Şida Kartlidə saxlanılan 1994-cü il təvəllüdlü şəxs isə, qanunsuz olaraq ov tüfəngi, abrez və 8 patron saxlamaqda ittiham olunub. Faktla bağlı, Cinayət Məcəlləsinin 236-cı maddəsi ilə cinayət işi açılıb, saxlanılan şəxsləri 3 ildən 11 ilədək həbs cəzası gözləyir.

www.24news.ge

Tbilisidə və bir neçə regionda odlu silah saxlamaqda ittiham olunan 4 nəfər saxlanılıb (VİDEO)

Digər xəbərlər