Baş nazir: "Əhalinin böyük əksəriyyəti gürcü dilində danışa və yaza bilməlidir"

"Planımıza əsasən, 2030-cu ilə qədər qeyri-gürcü məktəb məzunları, yetkinlik yaşına çatmış əhalinin böyük əksəriyyəti gürcü dilində danışa və yaza bilməlidir". 24News.ge xəbər verir ki, bu sözləri Baş nazir İrakli Qaribaşvili, illik hesabatını təqdim etdiyi parlament tribunasında deyib. Onun sözlərinə görə, ölkənin etnik cəhətdən müxtəlif əhalisi üçün vətəndaş bərabərliyi və inteqrasiyanın dövlət strategiyası barədə yol xəritəsi hazırlanıb: "Ölkəmizin etnik cəhətdən müxtəlif əhalisi üçün vətəndaş bərabərliyi və inteqrasiyanın dövlət strategiyasını hazırlamışıq. Etnik azlıqların sıx məskunlaşdığı regionlarda dövlət dilini bilmə səviyyəsinin yüksəldilməsi birinci və ən mühüm prioritetdir. Hökumət bu istiqamətdə xüsusi dəstək proqramları vasitəsilə layihələr həyata keçirir. Planımız əsasənda, biz nəzərəçarpacaq nəticələr gözləyirik və etaplı şəkildə 2030-cu ilə qədər qeyri-gürcü məktəb məzunları, yetkinlik yaşına çatmış əhalinin böyük əksəriyyəti gürcü dilində danışa və yaza bilməlidir", - deyə baş nazir bildirib.

www.24news.ge

Baş nazir: "Əhalinin böyük əksəriyyəti gürcü dilində danışa və yaza bilməlidir"

Digər xəbərlər