Haqqımızda Reklam
22 
Iyn
2022
16:43
15
25
2235

Gürcüstanda hər keçən gün Dizel yanacağı hansı səbəblərdən bahalaşır?

Gürcüstanda son bir həftə ərzində Dizel yanacağının qiyməti bahalaşıb. 24News.ge xəbər verir ki, brend markalı yanacaqdoldurma məntəqələrində dizel yanacağının bir litrinin qiyməti 4,40 larini keçib. Neft idxalçıları İttifaqının rəhbəri Vano Mtvralaşvili müsahibəsində Gürcüstanda dizel yanacağı qıtlığı olduğunu bildirib: “Bu gün bizə dizel yanacağının əsas tədarükçüsü Azərbaycandır. Son 2 həftədir ki, Azərbaycan bizi dizel yanacağı ilə təmin edə bilmir, bunun əsas səbəbi Azərbaycanda neft emalı zavodunun yenidən təchiz edilməsidir. Bu gün bu məhsulun idxalının 40-45 faizi Azərbaycandandır. İkinci səbəb Rusiya Federasiyasından idxalın gecikməsidir. Rusiya işğalçı ölkə kimi hazırda müharibədədir və ona görə də bu yanacaq müharibə üçün istifadə olunur. Hazırda məhsul yığımı prosesi də davam edir ki, bu da öz növbəsində külli miqdarda dizel yanacağı tələb edir. Buna görə də bu üç amil Gürcüstanda dizel yanacağının qıtlığına və nəticədə qiymətlərin artmasına səbəb oldu. Aydındır ki, Gürcüstanın alternativ təchizatçılara keçmək imkanı var, lakin onların qiyməti xeyli bahadır", - deyə Mtvralaşvili bildirib.

www.24news.ge

(Şahidi olduğunuz hadisələri çəkib bizə göndərin!) 571798989