Qurban ətindən kabab çəkmək olarmı? — İlahiyyatçı izah elədi

2 gün sonra Gürcüstanda yaşayan müsəlmanlar Qurban bayramını qeyd edəcək. Qurban bayramında insanları maraqlandıran məsələlərdən biri də qurbanlıq ətindən hazırlanan yeməklərin növüdür. Məsələn, bəzilərinə görə, qurbanlıq ətindən kabab olmaz və ya həmin əti ət-çəkən maşınla çəkmək doğru deyil. Lakin bunun əksini düşünənlər də var. Görəsən, qurbanlıq ətindən kabab çəkmək olarmı? Qurban ətini ət-çəkən maşınla çəkib dolma bişirmək olarmı? Bu barədə ilahiyyatçı Hacı Qurban Murquzov 24News.ge xəbər portalının suallarını cavablandırıb. O qeyd edib ki, qurbanlıq ətindən istənilən yeməyi bişirmək olar: “Qurban ətindən kabab çəkilməməsi və ya həmin ətin ət-çəkən maşınla çəkilməsi ilə bağlı İslam dinində hər-hansısa bir qadağa yoxdur. Qurban ətindən istəyə uyğun müxtəlif cür yeməklər hazırlamaq eləcədə bişirmək olar. Bir şərtlə, bu yeməklər spirtli içki ilə yeyilməsin. Bu, yolverilməz və günahdır"-deyə Hacı Qurban bildirib. İlahiyytçı həmçinin qeyd edib ki, qurban kəsmək üçün bir sıra dini qayda və qanunlar var ancaq bunlar Məkkə şəhərində yəni həccdə minada qurban kəsən şəxslərə şamil olunur: "Bizim bölgədə isə bunlar vacib deyil. Amma bəzilərinə riayyət eləmək daha yaxşı olar. Məsələn, qurban olaraq kəsilən heyvanın heç bir qüsurunun eləcədə nöqsanının olmaması önəmliməsələlərdən biridir".- deyə Hacı Qurban Murquzov bildirib.

www.24news.ge

Qurban ətindən kabab çəkmək olarmı? — İlahiyyatçı izah elədi

Digər xəbərlər